L'uniun da mummas da Rabius ei vegnida eregida canonicamein igl onn 1905. L'activitad dall'uniun serestrenscheva probablamein sin differents priedis sco suandonts extracts ord il cudisch da protocol muossan: 1910: «Instrucziun sur dil bien exempel», 1911: «Sur dell'educaziun religiusa», 1914: «Sur dal spargnar», 1916: «Co remunerar e regalar ils affons», 1920: «Instrucziun davart il sclarir si en fatgs sexuals».

Ils 2 da fevrer 1967 succeda l'emprema radunonza generala sco uniun da mummas e dunnas Rabius. La presidenta Franzisca Degonda scriva en siu rapport enzacons pigns detagls sur dil curriu e passau anno 1952. Las suandontas tractandas per la radunonza: Renovaziun dallas statutas, demissiuns, elecziuns, program da lavur, varia. La suprastonza secumpona da: preses, presidenta e cassiera. Ei vegnan elegidas Maria Maissen-Lombriser sco presidenta e Leontina Deplazes-Berther sco cassiera. L'uniun da dunnas Rabius dumbra actualmein 114 commembras.